Trung tướng Phạm Thế Tùng, K’iăng khua phŭn bruă kahan ksiêm nao hgŭm leh anăn bi ala Phŭn bruă kahan ksiêm mđup brei kơ čar 231 êklai prăk – ênoh prăk mơ̆ng knuă druh – kahan ksiêm mơ̆ng Phŭn bruă bi mkrum mguôp, čiăng hrăm mbĭt hŏng čar ngă hdră anei.

Blŭ hlăm mmông anăn, Trung tướng Phạm Thế Tùng mñă klă Phŭn bruă kahan ksiêm ƀuăn hrăm mbĭt hŏng čar Gia Lai hlăm bruă lăm lui sang dôk êjai, sang tĭ rưč, rơ̆ng kơ mnuih ƀuôn sang mâo anôk dôk êđăp ênang, hơĭt kjăp. Ñu mñă ktang, hŏng ai tiê bruă klam, êpul kahan ksiêm lŏ dơ̆ng nao êlâo hlăm bruă iêo jak ai dưi, bi pral bruă rŭ mdơ̆ng leh anăn mkra wĭt sang dôk , mbĭt anăn rơ̆ng kơ klei êđăp ênang hlăm klei ngă hdră. Hluê si hdră, čar Gia Lai mĭn tĭng lăm lui 8.485 boh sang hdră hrăm mbĭt lăm lui sang dôk êjai, sang tĭ ƀrôč hlăm thŭn 2025.