VOV4.Êđê- Hlăm dŭm hruê leh êgao, ti čar Dak Lak mâo klei hjan prŏng ngă truh klei êa lĭp, hmăi kjham hlăm dŭm kdriêk M’Drak, Ea Kar, Krông Bông, Krông H’Nang. Tui si klei čih hưn, gưl hjan prŏng anei ngă kơ dŭm êtuh ha boh mnga, kan dang mâo klei hmăi kjham, mâo lu êlan klông jhat rai kjham hlăm dŭm kdriêk M’Drak, Krông Bông, Krông H’Nang.

Knŏng kdriêk M’Drak, êa lĭp ngă leh kơ sa čô djiê, sa čô luič. Ară anei, bruă sang čư êa dôk gĭr msir mgaih dŭm klei truh anăn. Đăo knăl yan adiê ăt dôk dleh dưi ksiêm dlăng, kyuanăn bruă sang čư êa čar Dak Lak mtă kơ dŭm alŭ wăl leh anăn mnuih ƀuôn sang čŏng mâo dŭm hdră êlan bi mdrơ̆ng, bi hrŏ jih hnơ̆ng klei truh mơ̆ng yan adiê ngă.

Pô mblang: Y-Ƀel Êban