VOV4.Êđê- Klei bi kƀĭn tal sa, Anôk bruă kƀĭn ala gưl 15 srăng mphŭn pŏk ti Sang bruă kƀĭn ala, ƀuôn prŏng phŭn Hà Nội hlăm hruê 4/1/2022 lehanăn mjưh ruê̆ hlăm hruê 10/1/2022. Kyua klei ruă Covid 19 bluh mâo dleh dưi ksiêm dlăng, Anôk bruă kƀĭn ala mkŏ mjing hluê hdră online hluê hdră mđung rup mkŏ mơ̆ng Sang bruă kƀĭn ala truh kơ 62 êpul bi ala anôk bruă kƀĭn ala mơ̆ng dŭm čar, ƀuôn prŏng hlăm gưl dlông. Anei jing klei hưn dưi ba mdah ti anôk bi kƀĭn phung čih klei mrâo kơ klei tĭng mơ̆ng hdră bi kƀĭn mdê tal sa, anôk bruă kƀĭn ala gưl 15. Ti anôk bi kƀĭn anei, anôk bruă kƀĭn ala bi trông čhai lehanăn tĭng srăng bi mklă Hdră bhiăn mkra mlih, thiăm mbŏ dŭm mta klei hlăm 8 hdră bhiăn. Hdră mtrŭn srăng lông ba yua dŭm klei bhiăn, hdră mtrŭn hjăn mđĭ kyar ƀuôn prŏng Cần Thơ; Hdră mtrŭn kơ bruă ngăn prăk, prăk kăk đru kơ hdră lŏ krŭ wĭt lehanăn mđĭ kyar bruă duh mkra – ala ƀuôn; Hdră mtrŭn kơ Hdră duh bi liê rŭ mkra êlan êran pral Dưr – Dhŭng kwar Ngŏ wưng thŭn 2021-2025./.

Pô mblang: H’Nêč Êñuôl