VOV4.Êđê - Hruê anei, 15/12 mkŏ mjing klei kƀĭn mtrŭt mđĭ klei mnia mblei hŏng tač êngao Việt Nam thŭn 2021 hŏng akŏ “Mtrŭt mđĭ klei ba čhĭ kơ ala tač êngao, đru kơrŭ wĭt leh anăn mđĭ kyar bruă duh mkra”. Klei kƀĭ anei mâo 2 gưl bi trông hŏng dŭm mta phŭn: Klei găl leh anăn klei lông dlăng hlăm dŭm anôk mnia mblei hlăm wưng leh jih klei ruă tưp Covid-19, hdră tă, hdră êlan mtrŭt mđĭ klei ba čhĭ kơ ala tač êngao đru kơrŭ wĭt leh anăn mđĭ kyar bruă duh mkra. Khua phŭn bruă tuh tia Nguyễn Hồng Diên gĭt gai klei kƀĭn anăn. Klei kƀĭn anei jing bruă ngă grăp thŭn mơ̆ng phŭn bruă tuh tia, bi mguôp hŏng dŭm phŭn, dhar bruă djŏ tuôm mkŏ mjing kñăm mâo klei bi trông kơ dŭm bruă mtrŭt mđĭ klei čhĭ mnia hŏng ala tač êngao leh anăn phung nao hgŭm hlăm bruă anăn, mbah blŭ hrăm kơ dŭm hdră êlan, ngă klei găl kơ bruă ba čhĭ kơ ala tač êngao, bi klă dŭm klei găl, klei hmăng hmưi kơ dŭm mnơ̆ng dhơ̆ng mơ̆ng Việt Nam, đru mđĭ klei bi gĭr, bi ktưn kơ mnơ̆ng dhơ̆ng ba čhĭ kơ ala tač êngao leh anăn klei čŏng ngă bruă mơ̆ng dŭm knơ̆ng bruă.

Y-Ƀel pô mblang