VOV4.Êđê- 76 hdră bruă, hdră msir êdah kdlưn mâo bi mni hlăm Hdruôm hră mĭn mrâo yuôm Việt Nam thŭn 2021. Knăm hưn mthâo mkŏ mjing tlam hruê 25/11, ti Hà Nội, mâo Dhar bruă mặt trận čar kwar gưl dlông Việt Nam bi hgŭm hŏng Phŭn bruă Kreh knhâo kdrăp mrâo lehanăn Êpul hgŭm kreh knhâo kdrăp mrâo Việt Nam mkŏ mjing. 76 hdră bruă, hdră msir êdah kdlưn mâo bi mni hlăm Hdruôm hră mĭn mrâo yuôm Việt Nam thŭn anei mâo ruah mơ̆ng 151 hdră bruă, hdră msir bruă kreh knhâo – kdrăp mrâo ênuk mrâo mâo dŭm phŭn, dhar bruă, čar, ƀuôn prŏng hưn mthâo. Klei năng mđing, Hdruôm hră mĭn mrâo yuôm Việt Nam thŭn 2021 bi mni leh kơ 6 hdră bruă kreh knhâo mrâo hlăm bruă yang ƀuôn. Boh nik, hlăm dŭm hdră bruă mâo bi mni mâo dŭm klei mĭn mrâo kbiă hriê mơ̆ng mnuih ngă bruă duh mkra pla mjing kñăm mtrŭt mđĭ hnơ̆ng mâo boh mnga, hnơ̆ng tŭ jăk, đru mđĭ kyar bruă duh mkra – ala ƀuôn, rơ̆ng kjăp klei êđăp ênang bruă lĭng kahan, răng mgang klei êđăp ênang, răng mgang lăn êa wăl hdĭp mda./.

Pô mblang: H’Nêč Êñuôl