VOV4.Êđê- Hruê 25/11, Anôk kiă kriê bruă Đảng čar Dak Lak mkŏ mjing leh Knăm ksiêm wĭt pah mni bruă klei mrâo hlăm hdră mkŏ mkra Đảng čar Dak Lak tal III thŭn 2021 lehanăn Mtrŭt mjhar klei pah mni bruă klei mrâo hlăm hdră mkŏ mkra Đảng čar Dak Lak tal IV thŭn 2022. Leh êbeh 8 mlan pŏk ngă, Anôk mkŏ mjing tŭ mă leh 130 mta klei mrâo maoa: Klei čih, klei mrâo điện tử, mđung rup, mđung asăp. Lu klei čih dưi mđing ngă mkra jăk, mâo klei tui ksiêm êlam, čih lač klă kơ hdră mkŏ mkra Đảng mơ̆ng čar Dak Lak.

Anôk mkŏ mjing jao leh 2 klei pah mni mta A, 3 klei pah mni mta B, 5 klei pah mni mta C, 9 klei pah mni mtrŭt mđĭ ai kơ phung čih klei mrâo ba bi lông, ruah 17 klei čih êdah kdlưn hĭn ba m’ĭt kơ Klei bi lông kluôm ala tal VI – thŭn 2021. Ti knăm anei, phung khua kiă kriê čar Dak Lak ăt mtrŭt mjhar Klei pah mni bruă klei mrâo hlăm hdră mkŏ mkra Đảng čar Dak Lak tal IV thŭn 2022 mbĭt anăn mtă kơ anôk bruă pral mkăp klei hâo hưn djŏ klă, mjing klei găl kơ phung knuă druh, Đảng viên, mnuih ƀuôn sang, mnuih mă bruă klei mrâo thơ̆ng lehanăn amâo thơ̆ng nao hgŭm hlăm hdră anei./.

Pô mblang: H’Nêč Êñuôl