VOV4.Êđê - Hruê 7/1, Kahan ksiêm čar Dak Nông mkŏ mjing leh Klei bi kbĭn ksiêm wĭt bruă knuă thŭn 2021 leh anăn pŏk ngă bruă klam thŭn 2022. Hâo hưn hlăm klei bi kƀĭn lač klă, thŭn êgao, Êpul kahan ksiêm Dak Nông bi hgŭm, gĭr ktưn hgao klei dleh dlan, pral păn kjăp boh klei, pŏk ngă jăk dŭm bruă klam, hdră ngă bruă kahan ksiêm hlăm boh klei mdrơ̆ng êđăp ênang, mbruă, ktuê dlăng tŭ dưn klei ruă Covid-19.

Hŏng dŭm klei tŭ kdlưn hĭn, thŭn 2021, Êpul kahan ksiêm Dak Nông mâo Khua lăn čar mđup brei medai tŭ dưi mrô dua kơ sa êpul, medai tŭ dưi mrô 3 kơ 1 čô. Medai răng mgang ala čar mrô dua, mrô tlâo kơ 11 čô. Boh nik, anei jing thŭn tal 3 kahan ksiêm čar Dak Nông ktưn hưn mâo Khua knŭk kna mđup brei Hră pah mni; thŭn tal 4 mâo Phŭn bruă kahan ksiêm mđup brei hla čhiăm gru kdlưn hĭn “Anôk bruă ba anăp hlăm hdră bi lông ktưn kyua klei êđăp ênang čar kwar”.

H’Zawut pô mblang