VOV4.Êđê- Aguah mbruê 25/11, ti Hà Nội, êpul hgŭm hlăk mblang gưl dlông mkŏ mjing leh klei kbĭn kreh knhâo hŏng akŏ“Mkŏ mjing, bi kluôm ênŭm ala čar yang ƀuôn ngă phŭn Việt Nam: boh sĭt leh anăn dŭm boh klei adôk mâo”. Nai prŏng, nai prĭn Nguyễn Xuân Thắng, khua hlăm phŭn bruă kđĭ čar, khua gĭt gai êpul hgŭm hlăk mblang gưl dlông, khua kiă kriê anôk bruă mtô mjuăt bruă kđĭ čar ala čar Hồ Chí Minh nao hgŭm leh anăn gĭt gai klei kƀĭn anăn. Hlăm klei kƀĭn anăn, mơ̆ng lu tĭng mdê mdê, klei blŭ mơ̆ng phung kreh knhâo, phung ksiêm dlăng, phung thơ̆ng kơ bruă hlăm bruă mkŏ mjing, bi kluôm ênŭm ala čar yang ƀuôn ngă phŭn kñăm bi trông kơ dŭm boh klei msĕ si:bi klă klei jing, klei kiă kriê mơ̆ng ala čar yang ƀuôn ngă phŭn Việt Nam mơ̆ng  mnuih ƀuôn sang, kyua mnuih ƀuôn sang, kơ mnuih ƀuôn sang, bi klă klei mjĕ giăm plah wah knŭk kna hŏng bruă klam mnuih ƀuôn sang jing phŭn, bruă klam gĭt gai mơ̆ng Đảng, knŭk kna, mnuih ƀuôn sang jing phŭn mơ̆ng ala čar yang ƀuôn ngă phŭn.

Pô mblang: Y-Ƀel Êban