VOV4.Êđê- Ƀri knăm Noel thŭn 2021, hruê 17/12, ti čar Nam Địng, Khua dlăng bruă Đảng, Khua Anôk bruă gưl dlông Buì Thị Minh Hoài nao čhưn, hơêč hmưi kơ Khua dlăng bruă klei đaŏ Vũ Đình Hiệu leh anăn phung đaŏ, phung sơ hlăm krĭng đaŏ Khop Buì Chu ti să Xuân Ngọc, kdriêk Xuân Trường čar Nam Định.  Bi ala kơ khua gĭt gai Đảng, knŭk kna, mặt trận čar kwar Việt Nam, Khua Dhar bruă čung ba mnuih ƀuôn sang gưl dlông Bùi Thị Minh Hoài hơêč hmưi kơ Khua dlăng bruă krĭng đaŏ Bùi Chu Vũ Đình Hiệu hŏng jih jang phung đaŏ, phung sơ drông knăm Noel êđăp ênang, drông thŭn bhang mrâo 2022 suaih pral, jăk mơak. Khua dlăng bruă klei đaŏ Vũ Đình Hiệu mơĭt asăp hơêč hmưi kơ khua gĭt gai Đảng, Knŭk kna, dŭm êpul bruă kđi čar, ala ƀuôn, bruă sang čư̆ êa alŭ wăl mđing dlăng, mjing klei găl kơ dŭm bruă dhar kreh, êngiê hluê đaŏ mơ̆ng phung đaŏ khop hlăm Krĭng đaŏ Bùi Chu ăt msĕ mơh phung đaŏ Khop hlăm kluôm ala.

Pô mblang: H’Zawut Ƀuôn Yă