VOV4.Êđê - Ƀri knăm bi hdơr 30 thŭn Hruê mphŭn mkŏ mjing ala čar Kazakhstan (16/12/1991-16/12/2021), bi ala anôk bruă kƀĭn ala Việt Nam, Khua anôk bruă kƀĭn ala Vương Đình Huệ m’ĭt leh hră h’êč hmưi kơ Maulen Ashimbayev, Khua Thượng viện lehanăn Nurlan Nigmatulin, Khua Hạ viện ala čar Kazakhstan. Hlăm hră h’êč hmưi, Khua anôk bruă kƀĭn ala m’ak hlăk ƀuh hlăm dŭm thŭn êgao, klei bi mjĕ jăk siam mâo mŏng đưm lehanăn klei bi hgŭm hlăm djăp mta bruă plah wah Việt Nam - Kazakhstan lehanăn klei hgŭm bruă plah wah anôk bruă čih mkra hdră bhiăn dua ala čar amâo mdei dưi mkra mđĭ kjăp lehanăn đĭ kyar hĭn. Khua anôk bruă kƀĭn ala đăo knang hlăm wưng ti anăp srăng lŏ dơ̆ng bi hgŭm kjăp hŏng Khua Thượng viện lehanăn Khua Hạ viện Kazakhstan kñăm mtrŭt mđĭ hĭn klei bi mjĕ lehanăn hgŭm bruă jăk siam plah wah Việt Nam -Kazakhstan kyua klei tŭ dưn kơ mnuih ƀuôn sang dua ala čar, kyua klei êđăp ênang, h’ĭt kjăp, hgŭm bruă, đĭ kyar ti krĭng wăl lehanăn tar rŏng lăn./.

H’Nêč pô mblang