VOV4.Êđê - Tlam hruê 14/12, hlăm hdră nao čhưn klă klơ̆ng ti Dhŭng Korea, Khua anôk bruă kƀĭn ala Vương Đình Huệ bi tuôm leh hŏng Khua knŭk kna Dhŭng Korea Kim Boo Kyum. Ti knăm anei, Khua knŭk kna Kim Boo Kyum bi mni kơ gưl hriê čhưn mơ̆ng Khua anôk bruă kƀĭn ala Vương Đình Huệ, đru mguôp hlăm hdră pŏk ngă dŭm bruă bi hdơr 30 thŭn hruê mkŏ mjing klei bi mjĕ Việt Nam – Dhŭng Korea thŭn 2022, lač klei bi mjĕ tliêr kjăp plah wah dua anôk bruă kƀĭn ala bi êdah klei mĭn, klei čang hmăng mơ̆ng mnuih ƀuôn sang dua ala čar. Ti anôk bi tuôm, dua tĭng tŭ ư pŏk ngă dŭm bruă kñăm mđĭ hĭn klei bi mjĕ plah wah dua ala čar hlăm wưng ti anăp, mđĭ hdră bi hgŭm hlăm bruă răng mgang klei êđăp ênang, bruă lĭng kahan, hrăm mbĭt pŏk ngă bruă bi hdơr 30 thŭn hrue mkŏ mjing klei bi mjĕ./.

H’Nêč pô mblang