VOV4.Êđê - Aguah 20/12, ƀri bi hdơr 77 thŭn hruê mkŏ mjing Êpul lĭng kahan yang ƀuôn Việt Nam, Đinh Tiến Dũng, Khua hlăm Phŭn bruă kđi čar, Khua bruă Đảng ƀuôn prŏng Hà Nội nao čhưn, hơêč hmưi kơ phung knuă druh, lĭng kahan Anôk bruă gĭt gai lĭng kahan ƀuôn prŏng phŭn.

Blŭ hrăm hơêč hmưi, Khua bruă Đảng ƀuôn prŏng Hà Nội Đinh Tiến Dũng čih yap, bi mni leh anăn hơêč hmưi kơ klei tŭ leh anăn klei đru mguôp mơ̆ng knuă druh, lĭng kahan Anôk bruă gĭt gai ƀuôn prŏng phŭn hlăm thŭn 2021, hơêč hmưi kơ knuă druh, lĭng kahan Anôk bruă gĭt gai lĭng kahan ƀuôn prŏng lŏ dơ̆ng mđĭ lar “Knhuah gru Awa Hồ”, “Lĭng kahan ƀuôn prŏng phŭn” ngă lu klei tŭ dưn hĭn, jing anôk đaŏ knang, kjăp ktang mơ̆ng bruă Đảng, bruă sang čư̆ êa leh anăn mnuih ƀuôn sang ƀuôn prŏng. Ti anăp klei ruă Covid-19 dleh ktuê dlăng, Khua bruă Đảng ƀuôn prŏng mtă kơ Anôk bruă gĭt gai lĭng kahan ƀuôn prŏng phŭn lŏ dơ̆ng mprăp dŭm hdră jăk hĭn, bi hgŭm hŏng dŭm êpul, tŭ jum, mdrao kơ mnuih ruă./.

H’Zawut pô mblang