VOV4.Êđê- Hluê hŏng ai tiê mprăp mŏng hnưm, mŏng kbưi, hruê 25 – 26/11, ti Sang bruă kƀĭn ala, Khua bruă kƀĭn ala Vương Đình Huệ lehanăn phung K’iăng khua bruă kƀĭn ala mă leh bruă hŏng Khua čih hră hlăm Adŭ bruă kƀĭn ala, Khua hlăm Dhar bruă kƀĭn ala, phung khua kiă kriê dŭm phŭn, dhar bruă gưl dlông čiăng ksiêm dlăng kơ 5 mta bruă mjêč, tĭng srăng hưn mdah ti klei bi kƀĭn mdê hjăn mŏng anôk bruă kƀĭn ala. Blŭ hrăm ti anôk mă bruă, Khua anôk bruă kƀĭn ala Vương Đình Huệ mñă klă, anei jing bruă mjêč, yuôm bhăn êdi kơ ala čar ƀiădah anei ăt jing bruă dleh dưi ksiêm dlăng, brei mprăp djăp ênŭm, djŏ hdră, djŏ klei kčah mtrŭn mŏng hdră bhiăn. Dŭm anôk bruă djŏ tuôm mŏng anôk bruă kƀĭn ala lehanăn knŭk kna brei bi hgŭm, mprăp jăk, klă ênŭm, rŏng boh phŭn 5 mta bruă mbĭt anăn Khua bruă kƀĭn ala mtă, anôk bruă kƀĭn ala knŏng ksiêm dlăng tuič hnơ̆ng 5 mta bruă lehanăn hưn amâo bi trông ôh tơdah dŭm bruă anăn amâo mprăp klă klơ̆ng lehanăn amâo thiăm mbŏ dŭm mta klei mkăn./.

Pô mblang: H’Nêč Êñuôl