VOV4.Êđê - Aguah mbrue (5/12), ti sang bi kƀĭn Lê Hồng Phong, ƀuôn prŏng Hà Nội mkŏ mjing leh klei bi kƀĭn kơ bruă duh mkra Việt Nam thŭn 2021 hŏng akŏ “Kơrŭ wĭr lehanăn mđĭ kyar kjăp”. Blŭ hrăm ti anôk bi kƀĭn, Khua bruă kƀĭn ala Vương Đình Huệ brei thâo klei duh mkra Việt Nam thŭn 2021 tal anei jing mmông găl čiăng kơ bruă kƀĭn ala, dŭm dhar bruă, êpul bruă djŏ tuôm mđing hmư̆ klei blŭ mơ̆ng phung knhăk, phung kreh knhâo hlăm ala čar lehanăn mơ̆ng ala tač êngao, dŭm ala čar bi hgŭm hŏng Việt Nam, phung bi ala bruă kƀĭn ala găn hlăm dŭm ênuk, phung ƀuôn sang, phung duh mkra hlăm kluôm ala mâo hdră jăk. Khua bruă kƀĭn ala Vương Đình Huệ brei thâo, jih jang hdră klei kơ ngăn prăk ba bi trông jing dôk nah êngao kơ ênoh tĭng leh kơ ngăn prăk tui si Bruă kƀĭn ala mâo bi klă leh./.

Y-Khem pô mblang