VOV4.Êđê- Tlam mbrue (17/12), ti anôk bruă Êpul Gơ̆ng bruă bi mguôp hŏng ala tač êngao India, Khua bruă kƀĭn ala Vương Đình Huệ lehanăn Êpul phung khua prŏng Việt Nam nao ti anôk bi hdơr 5 thŭn klei mjĕ mgiăm kluôm ênŭm plah wah Việt Nam –India. Khua phŭn bruă hŏng tač êngao India lač, Việt Nam lehanăn India mâo leh klei bi mguôp kjăp, mâo klei bi đăo knang hdơ̆ng găp mâo klei bi mguôp hlăm djăp mta bruă, êjai dôk găn lu klei dleh kpăk dưn. Dua ala čar mâo lu klei găl hlăm bruă mđĭ kyar klei kreh knhâo, kdrăp mrâo mrang.

Dua ala čar lŏ bi hgŭm kjăp hlăm bruă dhar kreh, bruă sang hră mơar, lehanăn bi mjĕ êrô phung ƀuôn sang. Blŭ hrăm ti anôk bi hdơr, Khua bruă kƀĭn ala Vương Đình Huệ čang hmăng kơ dua ala čar hlăm wưng kơ anăp mâo klei bi mguôp kjăp hĭn hdră ngă bruă wưng thŭn 2021 - 2023 kơ hdră êlan klei êđăp ênang, kơ klei mdrŏng sah, lehanăn phung ƀuôn sang bi mjĕ êrô mâo bi klă leh hlăm mlan 12/2020, čiăng lŏ hyuă hĭn klei bi mguôp jăk siam ară anei dua ala čar./.

Pô mblang: Y-Khem Niê