VOV4.Êđê- Bri wưng hruê mtô mjuăt bi hriăm Việt Nam 20/11, tlam mbruê 19/11 Khua bruă kƀĭn ala Vương Đình Huệ nao hgŭm hlăm hlăm knăm mphŭn pŏk thŭn hriăm 2021 -2022 leh anăn bi tuôm, hdơr knga kơ phung nai ti sang hră gưl prŏng bruă mdrao mgŭn Hà Nội. Khua bruă kƀĭn ala Vương Đình Huệ bi êdah klei hdơr knga, pah mni dŭm klei đru mguôp mơ̆ng phung knuă druh, êa mdrao, phung mă bruă mdrao mgŭn, phung nai leh anăn hđeh sang hră ti sang hră anei, jing dŭm čô amâo mâo uêñ kơ klei hŭi hyưt, leh anăn klei hdĭp pô nao hlăm dŭm anôk mâo klei ruă tưp, bi mguôp jih ai, răng mgang klei suaih pral, klei hdĭp leh anăn klei êđăp ênang kơ mnuih ƀuôn sang.

Đăo knăl, klei ruă tưp Covid-19 ăt dôk dleh dưi ksiêm dlăng, ƀiădah hŏng klei sa ai, klei hgŭm mguôp djuê ana, hŏng klei jhŏng leh anăn klei mĭn kjăp hŏng dŭm klei hriăm mơ̆ng êpul êa mdrao, nai mdrao, wăt klei nao hgŭm mơ̆ng bruă kđi čar, Khua bruă kƀĭn ala Vương Đình Huệ mâo klei đăo knang, ala čar srăng hnưm gưi mkhư̆ klei ruă tưp, răng mgang klei suaih pral mnuih ƀuôn sang, krŭ wĭt leh anăn mđĭ kyar bruă duh mkra.

Pô mblang: Y-Ƀel Êban