VOV4.Êđê- Tlam hrue 19/12, ti anôk bruă khua mil čhil India, Khua bruă kƀĭn ala Vương Đình Huệ mâo leh klei bi tuôm hŏng Khua mil čhil Ram Nath Kovind ƀri hlăm gưl hiu čhưn kơ ala čar India. Dua čô khua gĭt gai mâo leh klei bi tŭ ư hŏng klei mjĕ mgiăm dua ala čar, ƀrư̆ hrue ƀrư̆ mâo klei đĭ kyar kjăp hlăm lu mta bruă. Dua khua gĭt gai bi tŭ ư lŏ dơ̆ng ngă nanao klei bi čuă mbĭt, lehanăn bi tuôm gưl dlông, lehanăn djăp gưl hlăm knŭk kna, lăn čar, bruă kƀĭn ala, ti gưl Đảng, alŭ wăl lehanăn bi tuôm phung khua prŏng, bi mjĕ phung ƀuôn sang.

Lehanăn mkŏ mjing djăp mta bruă mâo klei tŭ yuôm klă mngač bi hdơr 50 thŭn hrue mkŏ mjing klei mjĕ mgiăm hlăm thŭn 2022. Dua nah bi klă, lŏ dơ̆ng bi mguôp kjăp lehanăn bi đru hdơ̆ng găp hlăm djăp klei bi kƀĭn hŏng lu ala čar, lehanăn hlăm alŭ wăl. Việt Nam lehanăn India srăng lŏ dơ̆ng sa ai mghaih msir djăp mta klei adôk ka thâo bi djŏ, hŏng hdră êlan êđăp ênang, djŏ guôp hŏng klei bhiăn tar rŏng lăn./.

Pô mblang: Y-Khem Niê