VOV4.Êđê- Ti ƀuôn prŏng phŭn New Dehli, Khua bruă kƀĭn ala Vương Đình Huệ drông leh Khua phŭn bruă hŏng tač êngao India Jaishankar. Ti mmông drông, Khua bruă kƀĭn ala Vương Đình Huệ bi mklă, Việt Nam dlăng myuôm klei bi hgŭm kluôm hŏng Inida, bi mni kơ India dlăng Việt Nam jing mrô sa hlăm hdră ngă bruă mđing kơ krĭntg Ngŏ. Dua tĭng ksiêm dlăng klei bi hgŭm kluôm plah wah Việt Nam hŏng india dôk đĭ kyar jăk hlăm jih jang 5 mta bruă mâo kđi čar - hŏng tač êngao, klei êđăp ênang - răng mgang ala čar, bruă duh mkra - mnia blei - duh bi liê, kreh knhâo mrâo mrang, dhar kreh, mjuăt ktang asei mlei, mjĕ êrô mnuih ƀuôn sang. Dua khua gĭt gai bi trông leh kơ dŭm bruă krĭng wăl, dlông rŏng lăn dua ala čar hdơ̆ng mđing, hlăm anăn klei bi hgŭm ASEAN -India leh anăn boh klei giăm anei ti Ea ksĭ Ngŏ, bi mklă Việt Nam - India srăng lŏ dơ̆ntg nao ai hŏng klei gĭr ktưn mđĭ msir mgaih djăp klei amâo thâo bi djŏ mơ̆ng dŭm hdră klei êđăp ênang, djŏ guôp hŏng Hdră bhiăn lu ala čar, kyua klei êđăp ênang, bi hgŭm, hơĭt kjăp leh anăn đĭ kyar hlăm krĭng wăl leh anăn dlông rŏng lăn.

Pô mblang: H’Zawut Ƀuôn Yă