VOV4.Êđê- Aguah 6/12, Khua bruă kƀĭn ala lăn čar Lào (CHDCND) Xaysomphone Phomvihane ngă khua êpul bi ala gưl bruă bruă kƀĭn ala Lao leh anăn mô̆ ñu hriê čhưn klă sĭt ti ala čar drei. Ti Sang bruă kƀĭn ala, Khua bruă kƀĭn ala Vương Đình Huệ leh anăn mô ñu gĭt gai knăm drông Khua bruă kƀĭn ala Lao hŏng mmô̆ ñu leh anăn Êpul bi ala gưl dlông bruă kƀĭn ala Lao. Hlăm anôk bi trông leh knăm drông, dua Khua bruă kƀĭn ala bi tŭ ư hgŭm bruă kđi čar - bruă hŏng tač êngao hlăm jih jang hdră dưi hyuă kjăp nanao.

Wăt tơdah dua ala čar dôk tlă anăp hŏng lu klei lông dlăng kjham mơ̆ng klei ruă Covid-19 ƀiădah prăk hrui wĭt bruă mnia blei dua ala čar hlăm thŭn 2021 dưi mâo 948 êklăk USD, đĭ 28% mkă hŏng wưng anei thŭn êlâo. Việt Nam duh bi liê ti Lao dôk tal 3 hlăm 54 ala čar dôk duh bi liê ti Lao. Dua Khua gĭt gai bruă kƀĭn ala bi trông êlam kơ hdră bi hgŭm hlăm wưng kơ anăp.

 Ƀri gưl anei, dua khua gĭt gai dlăng leh Knăm mđup brei dŭm kdrăp mnơ̆ng mdrao mgŭn mơ̆ng Bruă kƀĭn ala Việt Nam đru kơ bruă kƀĭn ala Lao gang mkhư̆ klei ruă Covid-19 mâo ênoh 1 êklăk USD.

Pô mblang: H’Zawut Ƀuôn Yă