VOV4.Êđê- Aguah 30-11, Khua bruă kƀĭn ala Vương Đình Huệ gĭt gai klei bi kƀĭn mă bruă hŏng Dhar bruă duh mkra gưl dlông leh anăn Êpul thơ̆ng kơ bruă, ksiêm duah kơ hdră êlan ngăn prăk đru hluê ngă Hdră krŭ wĭt leh anăn mđĭ kyar bruă duh mkra-ala ƀuôn. Hdră kñăm mơ̆ng Klei bi kƀĭn kñăm đru mguôp bi klă thiăm dŭm tur knơ̆ng kreh knhâo leh anăn boh sĭt čiăng mbĭt hŏng Knŭk kna mkra mjing sa hdră msir mgaih kơ ngăn prăk čiăng hluê ngă hdră êlan, klei klah čŭn mơ̆ng Gưl dlông hlăm Klei bi kƀĭn gưl dlông tal 4 gưl XIII leh anăn Hdră mtrŭn klei bi kƀĭn tal 2, Bruă kƀĭn ala gưl XV kơ hdră kluôm gang mkhư̆ klei ruă Covid-19, krŭ wĭt bruă duh mkra, mdrơ̆ng êđăp ênang hŏng djăp boh klei ruă tưp mâo. Ară anei Knŭk kna mkra mjing leh Hdră mkŏ mjing klei bhiăn, hdră êlan ngăn prăk čiăng hmao đru pŏk ngă Hdră kluôm krŭ wĭt leh anăn mđĭ kyar bruă duh mkra - ala ƀuôn.

Pô mblang: H’Zawut Ƀuôn Yă