VOV4.Êđê -  Tlam hruê 15/12 hlue si mmông alŭ wăl, Khua bruă kƀĭn ala Vương Đình Huệ leh anăn êpul bi ala gưl dlông bruă kƀĭn ala ala čar drei nao ti tač êdeh phiơr lĭng kahan Palam, New Delhi, mphŭn gưl nao čhưn klă sĭt ti India hluê si asăp jak iêô mơ̆ng Khua hạ viện India Om Birla leh anăn Khua Thượng viện India Venkaiah Naidu, mơ̆ng hruê 15 - 19/12/2021.

Drông êpul ti tač êdeh phiơr India, Khua Dhar bruă hŏng tač êngao mơ̆ng Dua viện Shri PP Chaudhary mbĭt Thượng nghị sỹ, Hạ nghị sĩ, phung khua gĭt gai Adŭ bruă kƀĭn ala, knuă druh mă bruă hlăm adŭ bruă Kƀĭn ala India. Hlăm gưl nao čhưn klă sĭt ti India tal anei, Khua bruă kƀĭn ala Vương Đình Huệ srăng bi trông hŏng Khua Hạ viện India, bi tuôm hŏng Khua thượng viên, K’iăng Khua mil čhil India leh anăn Khua knŭk kna India, drông Khua gĭt gai Đảng Cộng sản India, nao hlăm knăm bi hdơr 5 thŭn bi hgŭm kluôm ênŭm Việt Nam - India, nao dlăng ti anôk rang mdah rup 50 thŭn bi hgŭm dua ala čar Việt Nam - India, drông phung khua gĭt gai dŭm êpul bi hgŭm lehanăn ƀĭng găp mơ̆ng Việt Nam, nao hlăm klei bi kƀĭn bruă duh mkra.

H’Zawut pô mblang