VOV4.Êđê- Aguah 19/11, Khua dlăng bruă Đảng gưl dlông, Khua dhar bruă gưl dlông Nguyễn Trọng Nghiã, mbĭt hŏng phung bi ala bruă kƀĭn ala čar Tây Ninh gưl XV nao hlăm Klei bi kƀĭn bi tuôm hŏng phung bi ala jing phung khua dlăng bruă klei đaŏ, êpul knuă druh, lĭng kahan ti kdriêk knông lăn Tân Châu, čar Tây Ninh leh klei bi kƀĭn tal 2, Bruă kƀĭn ala gưl XV. Ti anôk bi trông, Khua dhar bruă hâo hưn mtô mblang gưl dlông Nguyễn Trọng Nghĩa čih yap klei blŭ mguôp phung bi ala kdriêk Tân Châu, mtă gưl bruă Đảng, bruă sang čư̆ êa mđing dlăng, mâo hdră ruh mgaih, msir mgaih dŭm bruă hlăm klei dưi mơ̆ng alŭ wăl. Hlăm wưng kơ anăp, brei lŏ dơ̆ng mđĭ ktang hdră gang mkhư̆ klei ruă Covid-19, amâo dưi ngă ngơi mang ôh hlăm bruă anei ti krĭng wăl knông lăn.

Pô mblang: H’Zawut Ƀuôn Yă