VOV4.Êđê - Ngă hdră bi tuôm hŏng phung bi ala leh klei kƀĭn tal 2, bruă kƀĭn ala gưl 15. Aguah mbruê 26/11, khua gĭt Đảng Nguyễn Phú Trọng mbĭt hŏng phung bi ala bruă kƀĭn ala hlăm anôk ruah khua mrô 1, êpul bi ala bruă kƀĭn ala ƀuôn prŏng Hà Nội bi tuôm hŏng phung bi ala hlăm dŭm kriêk čar Ba Đình, Đống Đa leh anăn Hai Ba Trưng hŏng êlan klă anăp bi mguôp hŏng online truh kơ 56 ƀuôn hgŭm hlăm mơ̆ng 3 kdriêk čar hŏng 1.225 čô bi ala, kñăm hưn mdah boh tŭ hlăm klei kbĭn tal 2 leh anăn wĭt lač dŭm klei êmuh mơ̆ng phung bi ala. Mâo lu phung bi ala yap klei kƀĭn tal 2, bruă kƀĭn ala gưl 15 dưi mkŏ mjing hŏng klei mjêč, phung bi ala bruă kƀĭn ala ngă bruă hŏng ai tiê mâo bruă klam leh anăn mâo klei sa ai. Boh nik kơ dŭm klei mlih mrâo, dŭm bruă ngă hlăm bruă kƀĭn ala. Bi kơ bruă gang mkhư̆ klei ruă tưp Covid-19, phung bi ala hưn mdah hŏng bruă kƀĭn ala, knŭk kna, dŭm phŭn, dhar bruă mđĭ hnơ̆ng duh bi liê kơ bruă mdrao mgŭn nah gŭ, bruă mprăp kơ klei mdrao mgŭn, mkŏ mjing kdrăp mrâo mrang yua mbĭt hlăm ala čar kơ bruă gang mkhư̆ klei ruă tưp Covid-19. Hluê si khua gĭt gia Đảng Nguyễn Phú Trọng, čiăng kơ dŭm hdră mtrŭn mơ̆ng bruă kƀĭn ala nao mŭt hlăm klei hdĭp, dŭm anôk bruă hlăm knŭk kna čiăng mjêč mkŏ mjing dŭm klei bhiăn, hdră mtrŭn mrâo mâo leh klei bi klă, mđĭ hnơ̆ng tŭ jăk, boh tŭ dưn klei ngă bruă, kñăm kơ bruă ksiêm dlăng, bi lar dŭm klei jăk leh anăn mgaih msir dŭm klei kpăk, klei ka djŏ.

Y - Ƀel pô mblang