VOV4.Êđê- Hruê mbruê 19/11, ti anôk bruă Đảng gưl dlông, khua gĭt gai Đảng Nguyễn Phú Trọng gĭt gai leh klei kƀĭn phŭn bruă kđi čar, êpul khua bruă Đảng čiăng ksiêm dlăng, ngă klei ƀuah mkra êpul khua bruă Đảng phŭn bruă mdrao mgŭn, êpul khua bruă Đảng bruă sang čư êa čar Hà Nam wưng păn bruă 2016-2021 leh anăn đa đa jing knuă druh, khua gĭt gai knơ̆ng bruă mdrao mgŭn čar Hà Nam. Ksiêm dlăng mta phŭn, klei ngă bruă hnơ̆ng kjham, klei hmăi kyua klei ngă soh, klei čŏng wĭt dlăng, boh tŭ dưn mgaih msir dŭm klei ngă soh, klei amâo ênŭm, dŭm klei đru mguôp mơ̆ng grăp êpul êya leh anăn grăp čô. Phŭn bruă kđi čar ngă leh klei ƀuah mkra êpul bruă Đảng phŭn bruă mdrao mgŭn wưng păn bruă thŭn 2016 -2021. Brei mdei bruă khua êpul răng mgang, kriê dlăng klei suaih prăl knuă druh gưl dlông hŏng Nguyễn Thị Kim Tiến. Ngă klei ƀuah mkra hŏng hdră ƀuah ăl hŏng êpul khua bruă Đảng bruă sang čư êa čar Hà Nam wưng păn bruă thŭn 2016 – 2021. Brei Trương Quốc Cường mdei ngă bruă hlăm Đảng, ƀuah mkra hŏng Nguyễn Xuân Đông, brei khua bruă Đảng čar Hà Nam wưng păn bruă 2020 - 2025 Đinh Văn An mdei ngă bruă.

Pô mblang: Y-Ƀel Êban