VOV4.Êđê- Aguah mbruê 9/12, ti Hà Nội, khua gĭt gai Đảng Nguyễn Phú Trọng gĭt gai leh klei kƀĭn trông knuă druh kluôm ala kơ bruă hyuă kjăp, tui ngă klei bi klă leh anăn klei bhiăn mơ̆ng êpul khua bruă gưl dlông kơ bruă mkŏ mjing leh anăn klei ƀuah mkra hlăm Đảng. Klei kƀĭn trông anei mơ̆ng phŭn bruă kđi čar, êpul khua bruă Đảng mkŏ mjing hŏng êlan klă anăp bi mguôp hŏng online.

Blŭ gĭt gai hlăm klei kƀĭn anăn, khua gĭt gai Đảng Nguyễn Phú Trọng lač klă bruă mkŏ mjing Đảng srăng nao hrăm mbĭt hŏng klei ƀư̆ mkra, bi kjăp Đảng, Đảng mâo nanao klei klă mngač, kjăp hlăm bruă kđi čar, klei mĭn leh anăn klei ngă bruă. Khua gĭt gai Hồ Chí Minh êlâo dih mâo leh klei mtă: leh sua wĭt klei êngiê krĭng kwar dhŭng, bi hluh hlĭr ala čar, bruă tal êlâo hĭn jing mâo klei ƀư̆ mkra, bi kjăp Đảng. Đảng kjăp ktang kơh srăng mâo klei tŭ jing msĕ si mâo pô mgăt kơh êdeh thâo nao.

Pô mblang: Y-Ƀel Êban