VOV4.Êđê - Hruê mbruê 20/12, ti Hà Nội mkŏ mjing leh klei kƀĭn trông bruă Đảng kahan ksiêm gưl dlông. Gĭt gai klei kƀĭn trông anăn, khua gĭt gai Đảng Nguyễn Phú Trọng mñă klă, hŏng bruă kahan ksiêm, thŭn 2021 jing sa thŭn suăi êmăn, ƀiădah ăt mâo lu klei hing ang, mâo gru knăl jăk siam.

Ti gŭ klei gĭt gai mơ̆ng Đảng, ksiêm dlăng mơ̆ng knŭk kna, kluôm bruă kahan ksiêm dưi bi leh kluôm ênŭm bruă klam kahan ksiêm thŭn anei, hlăm anăn mâo dŭm bruă klam bi leh êdah kdlưn msĕ si: bruă hŏng tač êngao, bruă đru čung ba mnuih ƀuôn sang hlăm wưng dleh dưi ksiêm dlăng, čŏng nao ngă bruă, mâo boh tŭ dưn hlăm bruă bi kdơ̆ng hŏng klei ƀơ̆ng ngăn, klei amâo jăk. Bơ̆k bâo kơ dŭm bruă klam hlăm hruê mmông kơ anăp, khua gĭt gai Đảng Nguyễn Phú Trọng mñă klă, bruă Đảng hlăm kahan ksiêm gưl dlông, êpul êya kahan ksiêm lŏ bi lar dŭm boh tŭ dưn, klei hriăm dưi mâo hlăm hruê mmông êngao, čŏng thâo săng klă boh sĭt, amâo mâo klei kdjăt kbla hlăm djăp bruă, mâo dŭm hdră êlan, mgaih msir, ƀuah mkra, rơ̆ng klei êđăp ênang dŭm bruă kđi čar yuôm bhăn hlăm ala čar.

Y-Ƀel pô mblang