VOV4.Êđê - Aguah mbruê, ti Hà Nội, knơ̆ng gĭt gai lĭng kahan gưl dlông mkŏ mjing leh klei kƀĭn tal 3, wưng thŭn 2020 – 2025 bi klă klei hưn mdah bruă lĭng kahan thŭn 2021, bi klă hdră tă gĭt gai ngă bruă klam lĭng kahan leh anăn mkŏ mjing bruă Đảng hlăm lĭng kahan thŭn 2022. Khua gĭt gai Đảng Nguyễn Phú Trọng gĭt gai klei kƀĭn trông anei. Blŭ hlăm klei kƀĭn anăn, Khua gĭt gai Đảng Nguyễn Phú Trọng hmăng hmưi phung bi ala kñăm ksiêm duah, đru mguôp boh blŭ bi trông, bi klă klei hưn mdah mklin bruă lĭng kahan thŭn 2021, leh anăn bi tŭ ư bi klă hdră êlan gĭt gai ngă bruă klam lĭng kahan leh anăn mkŏ mjing bruă Đảng hlăm lĭng kahan thŭn 2022 leh anăn hlăm kluôm wưng. Tlam hruê mbruê, Phan Văn Giang, khua phŭn bruă lĭng kahan gĭt gai klei kƀĭn trông knơ̆ng gĭt gai lĭng kahan gưl dlông bi klă hdră mkăp kơ hdră mtrŭn mơ̆ng knơ̆ng gĭt gai lĭng kahan gưl dlông kơ bruă bi lar knhuah hdĭp lĭng kahan Awa Hồ, hưn mdah klei bi mklin bruă tui ngă hdră mtrŭn mơ̆ng knơ̆ng gĭt gai lĭng kahan gưl dlông kơ bruă gĭt gai bruă klam mkra mjing, mkŏ mjing bruă duh mkra bi mguôp hŏng bruă lĭng kahan truh thŭn 2020.

Y-Ƀel pô mblang