VOV4.Êđê- Aguah mbrue (7/12), ti anôk bruă gưl dlông Đảng, Khua gĭt gai Đảng Nguyễn Phú Trọng drông leh Saysomphon Phomvihan lehanăn êpul khua êmua gưl dlông bruă kƀĭn ala Lao. Khua bruă kƀĭn ala Lao hưn mthâo hŏng khua gĭt gai Đảng Nguyễn Phú trọng kơ boh klei ti ala čar Lao giăm anei, boh nik bruă hlue ngă Hdră mtrŭn klei bi kƀĭn prŏng Đảng 11, kơ boh tŭ dưn klei bi trông hŏng khua bruă kƀĭn ala Vương Đình Huệ lehanăn klei trông čhai mă klei hriăm plah wah bruă kƀĭn ala dua ala čar. Ñu lač, bruă kƀĭn ala Lao srăng bi mguôp kjăp hŏng bruă kƀĭn ala Việt Nam ngă bruă hŏng klei tŭ jing jih jang klei leh bi tŭ ư plah wah phung khua prŏng dua Đảng, dua lăn čar, lehanăn klei bi tŭ ư hgŭm mbĭt dua bruă kƀĭn ala. Khua gĭt gai Đảng Nguyễn Phú Trọng bi klă Việt Nam sa ai nanao lehanăn kluôm ênŭm kơ klei mlih mrâo ti Lao, lehanăn đăo knang hŏng knhuah gru hƀuê ênuk krŭ kdơ̆ng đưm, mơ̆ng Đảng phung ƀuôn sang krŭ kdơ̆ng Lao gĭt gai, lehanăn klei kiă kriê mơ̆ng knŭk kna, mâo bruă kƀĭn ala ksiêm dlăng, phung ƀuôn sang Lao srăng lŏ ba wĭt lu boh tŭ dưn mrâo, prong hĭn hlăm klei mlih mrâo, hlue ngă tŭ jing Hdră mtrŭn Klei bi kƀĭn prŏng Đảng 11./.

Pô mblang: Y-Khem Niê