VOV4.Êđê - Ƀri wưng bi hdơr 50 thŭn hruê mkŏ mjing bruă hŏng tač êngao plah wah ala čar Việt Nam leh anăn India (07/01), Hruê mbruê, 07/01, ti anôk bruă phŭn bruă hŏng tač êngao, k’iăng khua phŭn bruă hŏng tač êngao Nguyễn Quốc Dũng leh anăn pô bi ala mơ̆ng ala čar India Pranay Verma bi mơĭt leh hră hơêč hmưi mơ̆ng Khua lăn čar Nguyễn Xuân Phúc leh anăn Khua mĭl čhĭl India Ram Nath Kovind, hră hơêč hmưi mơ̆ng Khua knŭk kna Phạm Minh Chính leh anăn Khua knŭk kna India Narendra Modi, hră hơêč hmưi mơ̆ng Khua bruă kƀĭn ala Vương Đình Huệ leh anăn k’iăng Khua mĭl čhĭl, khua gĭt gai thượng viện Venkaiah Naidu leh anăn khua gĭt gai Hạ Viện Om Birla. Hlăm hră hơêč hmưi, phung khua gĭt gai ala čar Việt Nam lač, Việt Nam leh anăn India jing leh mah jiăng, ƀĭng hgŭm mâo klei đăo knang leh anăn bruă khua gĭt gai 2 ala čar bi klă hdră tă mbĭt Việt Nam – India kơ klei êđăp ênang, mdrŏng sah leh anăn mnuih ƀuôn sang lŏ mâo thiăm dŭm boh kdrŭt mđĭ kyar mrâo hlăm klei mjĕ giăm ƀĭng hgŭm hdră êlan kluôm ênŭm hlăm lu mta bruă bi mguôp, ba wĭt lu klei jăk kơ knŭk kna leh anăn mnuih ƀuôn sang 2 ala čar.

Y-Ƀel pô mblang