VOV4.Êđê- Khua knŭk kna Phạm Minh Chính mâo leh klei bi blŭ hrăm hŏng khua bruă kƀĭn ala Lao Saysomphone Phomvihane hlăk dôk čhưn ti Việt Nam. Khua knŭk kna Phạm Minh Chính lehanăn Khua bruă kƀĭn ala Lao Saysomphone Phomvihan bi myuôm klei hgŭm tŭ jing plah wah Việt Nam – Lao hlăm bruă mdrơ̆ng hŏng klei ruă tưp Covid 19 wưng leh êgao. Kơ hdră hgŭm dua ala čar hlăm wưng kơ anăp, Khua knŭk kna Phạm Minh Chính lehanăn Khua bruă kƀĭn ala Lao bi tŭ ư dua nah lŏ dơ̆ng hgŭm kjăp hĭn, hlue ngă djăp bruă gưl dlông bi tŭ ư leh, lehanăn mprăp kơ klei bi kƀĭn tal 44 mơ̆ng Dhar bruă hgŭm dua knŭk kna Việt Nam – Lao kơ anăp, lŏ dơ̆ng hgŭm kjăp hĭn bruă mdrơ̆ng hŏng klei ruă tưp Covid 19, hyuă kjăp bruă hgŭm bruă răng mgang klei êđăp ênang, mđĭ bruă hgŭm duh mkra mnia mblei, lehanăn duh bi liê čiăng bi knar hŏng klei bi mguôp dua ala čar./.

Pô mblang: Y-Khem Niê