VOV4.Êđê- Tlam mbruê 30/11, ti sang bruă knŭk kna, Khua knŭk kna Phạm Minh Chính, khua gĭt gai dhar bruă ala čả kơ klei mlih mrô gĭt gai leh klei kƀĭn tal 1 mơ̆ng Dhar bruă ala čar kơ klei mlih mrô. Hlăm klei kƀĭn anăn, Khua knŭk kna Phạm Minh Chính mñă klă, hdră êlan tui ngă klei mlih mrô ala čar dưi mkŏ mjing hlăm 3 kmeh gơ̆ng: knŭk kna mrô, bruă duh mkra mrô, yang ƀuôn mrô dưi bi klă leh hlăm hdră mtrŭn mơ̆ng klei kƀĭn kluôm Đảng gưl 13. Knŭk kna, Khua knŭk kna ăt mâo nanao klei bi klă mkŏ mjing knŭk kna mrô jing sa hlăm dŭm bruă klam yuôm bhăn tal êlâo. Anei ăt jing klei êlâo êdei, mđĭ klei klă mngač, hlăk mblang mơ̆ng knŭk kna, msưh kdŭn klei ƀơ̆ng ngăn, luič liê ti mang, đru mđĭ kyar bruă duh mkra ala ƀuôn, bi hơĭt wăl mnia mblei, mđĭ klei thâo bi gĭr ktưn, hnơ̆ng klei mă bruă yang ƀuôn leh anăn jing êlan djŏ čiăng mđĭ kyar ala čar Việt Nam.

Pô mblang: H’Zawut Ƀuôn Yă