VOV4.Êđê - Tŭ klei iêu jak mơ̆ng Khua knŭk kna Phạm Minh Chính, êpul bi ala gưl dlông mơ̆ng ala čar Lao mơ̆ng Khua knŭk kna Phankham Viphavanh ba anăp klă klơ̆ng hriê čuă ala čar Việt Nam mơ̆ng hruê 8 – 10/01, hrăm mbĭt gĭt gai klei kƀĭn tal 44 mơ̆ng dhar bruă 2 ala čar Việt Nam – Lao leh anăn mtrŭt mjhar thŭn bi mguôp Việt Nam – Lao, Lao – Việt Nam thŭn 2022. Klei hriê čuă anei bi êdah klei bi mguôp, klei đăo knang mơ̆ng 2 Đảng, 2 knŭk kna leh anăn mnuih ƀuôn sang 2 ala čar. Thŭn 2022, jing thŭn mâo boh tŭ dưn yuôm bhăn hlăm klei mjĕ giăm, bi mguôp 2 ala čar. Khua gĭt gai 2 ala čar bi tŭ ư hrăm mbĭt mkŏ mjing knăm bi hdơr prŏng mơ̆ng Việt Nam leh anăn Lao msĕ si 60 thŭn hruê mkŏ mjing bruă hŏng tač êngao 2 ala čar, 45 thŭn bi klă klei kuôl kă jing ƀĭng hgŭm leh anăn bi mguôp.

Y-Ƀel pô mblang