VOV4.Êđê- Aguah hruê 19/12, Khua knŭk kna Phạm Minh Chính mă leh bruă hŏng phung khua kiă kriê knơ̆ng ƀuôn prŏng Hải Phòng kơ hdră mđĭ kyar bruă duh mkra – ala ƀuôn thŭn 2021 lehanăn hdră êlan, bruă klam mđĭ kyar bruă duh mkra – ala ƀuôn thŭn 2022. Blŭ hrăm ti anôk mă bruă, Khua knŭk kna Phạm Minh Chính bi mni klei gĭt mŏng dŭm gưl bruă Đảng, bruă sang čư̆ êa alŭ wăl, lĭng kahan lehanăn mnuih ƀuôn sang ƀuôn prŏng Hải Phòng lehanăn dŭm boh tŭ dưn yuôm bhăn dưi mâo, đru mguôp hlăm boh tŭ dưn mbĭt mơ̆ng kluôm ala.

Mbĭt anăn, Khua knŭk kna ăt hưn mdah 10 hdră msir brei hluê ngă hlăm wưng ti anăp, êlâo hĭn, brei hluê ngă kjăp, tŭ dưn Hdră mtrŭn Klei bi kƀĭn tal 13 mơ̆ng Đảng, Hdră mtrŭn mrô 45 mơ̆ng Phŭn bruă kđi čar, Hdră mtrŭn mrô 35 mơ̆ng Anôk bruă kƀĭn ala, hdră mtrŭn mơ̆ng Knŭk kna lehanăn Hdră mtrŭn Klei bi kƀĭn bruă Đảng ƀuôn prŏng./.

Pô mblang: H’Nêč Êñuôl