VOV4.Êđê- Aguah hruê 18/11, Khua knŭk kna Phạm Minh Chính gĭt gai leh Klei bi kƀĭn knŭk kna thơ̆ng kơ bruă hdră bhiăn mlan 11. Dŭm klei kƀĭn bi trông leh kơ 6 klei čih mkra hdră bhiăn: Hdră bhiăn Ênoh ênil (mkra mlih). Hdră bhiăn Ênua yang ƀuôn (mkra mlih), Hdră bhiăn gang mkhư̆ klei mblư̆ prăk (mkra mlih), Hdră bhiăn mnia mblei điện tử (mkra mlih); Hdră bhiăn kriê pioh (mkra mlih).

Phung khua hlăm knŭk kna tŭ ư kơ klei čiăng êdi, mta kñăm, klei mĭn mkra mlih. Mbĭt anăn phung bi ala ăt hưn mdah dŭm klei êdu kƀah brei mkra mlih hlăm hdră anei. Leh hmư̆ klei blŭ bi trông čhai, Khua knŭk kna Phạm Minh Chính mtă, bruă čih mkra lehanăn bi leh klei bhiăn brei rơ̆ng djŏ guôp hŏng klei mâo, msir mghaih jih klei gun kpăk, dleh dlan mơ̆ng hdră bhiăn dôk ba yua čiăng djŏ guôp hŏng klei dôk mâo./.

Pô mblang: H’Nêč Êñuôl