VOV4.Êđê -  Ti Sang kdŏ mmuiñ prŏng Hà Nội mrâo mkŏ mjing Knăm mđup brei klei pah mni kluôm ala čar kơ klei hâo hưn hŏng tač êngao tal VII. Blŭ hrăm hlăm anôk bi kƀĭn, Khua knŭk kna Phạm Minh Chính mñă klă: “Klei hâo hưn hŏng tač êngao mâo bruă klam yuôm bhăn snăk, ngă kơ êpul êya dlông rŏng lăn thâo săng hĭn hdră êlan mơ̆ng Đảng, hdră bhiăn mơ̆ng Knŭk kna, kah mbha, nao ai hŏng klei mĭn Việt Nam kơ dŭm bruă krĭng wăl leh anăn dlông rŏng lăn, hưn mdah gru rup lăn čar, anak mnuih, hƀuê ênuk, dhar kreh mơ̆ng djuê ana leh anăn dŭm klei tŭ mđĭ kyar mơ̆ng ala čar drei”.

Hluê si Anôk bruă mkŏ mjing, dŭm klei bi lông hlăm thŭn anei mâo boh phŭn jăk, lu jơr, kluôm ênŭm dŭm klei mâo, bruă êdah kdlưn hlăm thŭn 2021. Êdah kdlưn, lu klei bi lông ba yua kdrăp mrâo mrang, mâo ênoh yuôm hâo hưn hŏng tač êngao, lar bra jăk, iêô jak klei mđing dlăng mơ̆ng mnuih ƀuôn sang hlăm ala čar leh anăn ala tač êngao.

H’ Zawut pô mblang