VOV4.Êđê- Aguah hrue mbrue (29/12), ti Hà Nội, Khua knŭk kna Phạm Minh Chính nao ti anôk bi kƀĭn online kluôm ala ksiêm wĭt bruă thŭn 2021, hlue ngă bruă knuă thŭn 2022 mơ̆ng bruă lŏ hma, mâo Phŭn bruă lŏ hma mkŏ mjing. Thŭn 2021, bruă lŏ hma ngă bruă knuă êjai hlăm klei dleh dlan, klei lông dlăng, siămdah ăt dưi mâo mơh klei đĭ kyar, dưi bi leh mta kñăm mdua: "Mkhư̆ gang klei ruă tưp êjai, lehanăn mđĭ kyar bruă lŏ hma êjai"” pioh mkăp kơ klei yua hlăm ala čar lehanăn ba čhĭ kơ ala tac êngao. Thŭn 2021, ênoh ênil đĭ hlăm kluôm bruă lŏ hma mơ̆ng 2,85 -–2,9%, klei bi mnia mblei hŏng ala tač êngao hlăm kluôm dhar bruă djăp lehanăn kdlưn hĭn hŏng hdră kčah. Thŭn 2022, kluôm dhar bruă mđing hluê ngă jăk hĭn bruă mkŏ wĭt klei duh mkra pla mjing, bi mâo klei đĭ kyar kjăp. Blŭ klah čŭn klei bi kƀĭn khua knŭk kna mtă bi mă bruă hŏng klei knhăk răng êjai yan klei ruă tưp, răng mgang kjăp klei suaih pral jih jang mnuih mă bruă čiăng kơ puhng ƀuôn sang dưi ruh mgiah jih jang djăp mta klei gun kpăk, hlăm klei duh mkra mnia mblei boh mnga pô mâo. Dưn yua jih klei găl mđĭ kyar bruă lŏ hma lŏ wĭt msĕ si aguah tlam./.

 Pô mblang: Y-Khem Niê