VOV4.Êđê- Tlam hruê 19/11, Khua knŭk kna Phạm Minh Chính lehanăn phung bi ala anôk bruă kƀĭn ala hlăm Êpul bruă kƀĭn ala ƀuôn prŏng Cần Thơ bi tuôm leh hŏng mnuih ƀuôn sang ƀuôn prŏng Cần Thơ. Ti anôk bi tuôm, wĭt lač klei êmuh mơ̆ng mnuih ƀuôn sang, Khua knŭk kna Phạm Minh Chính hưn mthâo leh kơ mnuih ƀuôn sang Cần Thơ kơ klei dleh dưi ksiêm dlăng mơ̆ng klei ruă tưp hlăm ala čar lehanăn tar rŏng lăn. Mbĭt anăn, Khua knŭk kna wĭt lač leh dŭm klei êmuh djŏ hŏng klei čiăng mơ̆ng mnuih ƀuôn sang. Boh nik, klei akâo čiăng hăm bruă msir mghaih mnơ̆ng mgưt, mnơ̆ng čhĭ soh hŏng hdră bhiăn, Khua knŭk kna brei thâo knŭk kna srăng msir mghaih kjăp klei anei, ba mdah Hdră mtrŭn mrô 98, thiăm mbŏ lu hdră bi kmhal, mtă kơ dŭm gưl bruă msir mghaih djŏ si klei kčah mtrŭn mơ̆ng hdră bhiăn, mtă kơ êpul djŏ tuôm ngă kjăp hĭn, msir mghaih tŭ dưn boh klei anei./.

Pô mblang: H’Nêč Êñuôl