VOV4.Êđê- Ƀri hrue noel thŭn 2021, tlam mbrue (17/12), Khua knŭk kna Phạm Minh Chính nao čuă lehanăn hơêč hmưi Noel thŭn 2021 kơ phung khua kiă kriê sang Aê Diê Khop ti čar Bà Rịa Vũng Tàu. Nao čuă Sang Aê Diê Long Hương, nao čuă Knơ̆ng kiă kriê bruă sang Aê Diê Khop Bà Rịa Vũng Tàu, khua knŭk kna čang hmăng kơ phung đăo lŏ dơ̆ng mđĭ hĭng ai tiê “thâo huĭ mpŭ kơ Aê Diê lehanăn thâo khăp kơ lăn čar”, hlue gưt hdră êlan knŭk kna, gĭr kpưn đĭ hlăm klei hdĭp, bi đru mkŏ mjing lăn čar ƀrư̆ hruê đĭ kyar.

Khua knŭk kna mtă kơ bruă sang čư̆ êa duh kơ bruă tlŏ vaccine, mtă kơ phung khua kiă kriê klei đăo khop mtă kơ jih jang phung đăo nao tlŏ vaccine, kyua kơ klei suaih pral, kơ asei mlei lehanăn găp djuê pô. Lehanăn ngă jăk hdră êlan 5 mta klei phŭn bruă mdrao mgŭn mtă, brei jih jang phung đăo mâo klei thâo răng nanao./.

Pô mblang: Y-Khem Niê