VOV4.Êđê - Tlam mbruê, ti Hà Nội, Khua knŭk kna Phạm Minh Chính nao hgŭm leh hlăm knăm bi klă kčưm klei ngă bruă mrâo hŏng klei mbruă ala čar, hruê kăm mlih mrâo klei ngă bruă leh anăn kčưm klei mă bruă ƀuôn prŏng Hồ Chí Minh (TECHFEST leh anăn WHISE 2021) mơ̆ng phŭn bruă kreh knhâo mrâo mrang bi mguôp hŏng phŭn bruă hŏng tač êngao, bruă sang čư êa ƀuôn prŏng Hồ Chí Minh, adŭ bruă tuh tia mnia mblei Việt Nam mkŏ mjing hŏng êlan klă anăp bi mguôn hŏng online mkŏ hŏng 63 anôk bi kƀĭn hlăm dŭm čar, ƀuôn prŏng leh anăn hiăm 20 ala čar dlông rŏng lăn. Hdră anei mâo mtă kñăm mđĭng truh: Mtrŭt mđĭ klei mĭn nhă bruă, klei thâo mbruă, bi mguôp wăl kčưm klei ngă bruă hŏng klei mbruă ala čar. TECHFEST 2021 hyuă kjăp hĭn klei bi mguôp amâo mâo knông plah wăh anak mnuih Việt Nam, klei thâo mĭn Việt Nam, klei hmăng hmưi Việt Nam. Blŭ hlăm hdră anăn, Khua knŭk kna Phạm Minh Chính lač klă, klei mlih mrâo, klei thâo mbruă jing hnơ̆ng čoh čuăn kơ klei đĭ kyar. Khua knŭk kna mtă kơ dŭm gưl bruă, dhar bruă bi mklin dŭm bruă ngă mlih mrâo, hŏng klei mbruă čiăng mâo klei čih pioh, klei thâo, klei hriăm kơ dŭm bruă ngă hlăm hruê mmông kơ anăp.

Y-Ƀel pô mblang