VOV4.Êđê -  Aguah hruê 21/12, Phŭn bruă kriê dlăng hdră bhiăn mkŏ mjing leh Klei bi kƀĭn kluôm ala pŏk ngă hdră kriê dlăng hdră bruă hdră bhiăn thŭn 2022 hluê hdră online ti 63 anôk mkŏ mơ̆ng dŭm čar, ƀuôn prŏng. Nao lehanăn blŭ hrăm ti anôk bi kƀĭn, Khua knŭk kna Phạm Minh Chính bi ala Đảng, Knŭk kna, bi mni dŭm klei gĭr, klei đua klam mơ̆ng anôk bruă kriê dlăng hdră bhiăn, bruă čih mkra, mkŏ mjing – hluê ngă hdră bhiăn mơ̆ng dŭm phŭn, dhar bruă, alŭ wăl dưi mâo leh dŭm boh tŭ dưn yuôm bhăn.

Hlăm wưng ti anăp, Khua knŭk kna mtă brei mđing kơ djăp klei dưi, ai mâo, mnuih mă bruă hluê ngă 6 bruă klam phŭn hlăm thŭn 2022. Hlăm anăn, mñă klă hlăm bruă mđĭ klei thâo săng kơ k’hưm, bruă klam, klei yuôm bhăn mơ̆ng bruă čih mkra lehanăn hluê ngă hdră bhiăn; hluê ngă kjăp hdră êlan mtrŭn mơ̆ng Đảng, ksiêm dlăng kjăp boh klei dôk mâo čiăng ba wĭt klei tŭ dưn, đru ruh mtlaih klei dleh dlan, gun kpăk, ka djŏ hlăm hdră bhiăn./.

H’Nêč pô mblang