VOV4.Êđê - Aguah 8/1, leh Knăm drông leh anăn blŭ hrăm, Khua knŭk kna Phạm Minh Chính leh anăn Khua knŭk kna ala čar Lào Phankham Viphavanh gĭt gai leh klei bi kƀĭn phung čih klei mrâo kơ klei tŭ bi trông leh anăn pŏk ngă Thŭn bi hgŭm Việt Nam - Lao, Lao-Việt Nam 2022. Blŭ hrăm hlăm klei bi kƀĭn hŏng phung čih klei mrâo mbĭt, dua Khua knŭk kna lŏ dlăng wĭt dŭm klei tŭ yuôm bhăn hlăm klei bi trông, dua khua gĭt gai brei thâo klei bi hgŭm yuôm bhăn leh anăn bi hgŭm kluôm plah wah dua Đảng, dua Knŭk kna leh anăn yang ƀuôn dua ala čar hlăm wưng êgao amâo mdei dưi mđĭ leh anăn hyuă kjăp.

Khua knŭk kna dua ala čar srăng lŏ dơ̆ng gĭt gai dŭm phŭn, dhar bruă alŭ wăl grăp tĭng mjêč ktuê dlăng, ruh mgaih klei dleh dlan, kčah dŭm klei bhiăn, hdră êlan hdơ̆ng bi mđing, mjing klei găl mđĭ ktang klei bi hgŭm bruă mnia blei leh anăn duh bi liê, rơ̆ng hnơ̆ng kčah, hnơ̆ng jăk mơ̆ng dŭm hdră bruă bi hgŭm phŭn plah wah dua ala čar.

H’Zawut pô mblang