VOV4.Êđê - Aguah mbruê 22/11 ti Hà Nội, Khua lăn čar Nguyễn Xuân Phúc mâo leh klei nao čuă leh anăn mă bruă hŏng anôk bruă krĭng hlơr Việt Nam – Russia. Blŭ hlăm klei mă bruă anăn, Khua lăn čar Nguyễn Xuân Phúc čih yap, klei bi hgŭm kluôm ênŭm hdră êlan plah wah Việt Nam leh anăn Russia amâo mâo mdei klei bi kjăp leh anăn mâo klei đĭ kyar mrâo, nao kơ êlam leh anăn klă klơ̆ng, boh nik jing klei bi mguôp hlăm bruă duh mnkra, mnia mblei, lĭng kahan, klei kreh knhâo, mrâo mrang. Bi êdah dŭm klei čoh čuăn yuôm bhăn čiăng gĭr ktưn truh kơ thŭn 2030 ala čar drei jing ala čar hlăk đĭ kyar, mâo bruă tuh tia mrâo mrang. Khua lăn čar mtă kơ anôk bruă anei čiăng mâo dŭm knhuang êbat đru mguôp hlăm mta kñăm anei, gĭr ktưn jing anôk bruă kreh knhâo mrâo mrang mâo klei đăo knang, mâo đa đa truh hnơ̆ng alŭ wăl leh anăn tar rŏng lăn nao hgŭm leh anăn mkŏ mjing dŭm hdră kreh knhâo mrâo mrang mơ̆ng knŭk kna leh anăn phŭn bruă lĭng kahan, lŏ jing anôk mâo klei đăo knang hlăm klei bi mguôp Việt Nam – Russia.

Y - Ƀel pô mblang