VOV4.Êđê - Hlăm klei nao čhưn kơ ala čar Russia, Khua lăn čar Nguyễn Xuân Phúc mâo leh klei bi blŭ hrăm hŏng khua Êpul gơ̆ng ala čar bruă kƀĭn ala Valentina Matvienko.

Ti anôk bi blŭ hrăm anăn, Khua lăn čar lehanăn Khua Êpul gơ̆ng bruă ala čar bi myuôm klei bi mguôp Việt Nam – Russia mâo nanao klei đĭ kyar jăk, wăt hlăm bruă kđĭ čar, bruă duh mkra mnia mblei, bruă lĭng kahan lehanăn răng mgang klei êđăp ênang, bruă pui kmlă, lehanăn êa pui êwa čuh, bruă mjuăt bi hriăm, lehanăn kreh knhâo... bi êdah klei mơak ti anăp boh tŭ dưn bruă hgŭm dua nah hlăm bruă mdrơ̆ng hŏng klei ruă tưp Covid 19. Hlăm anăn, klei bi mguôp plah wah bruă kƀĭn ala dua ala čar mâo bruă klam yuôm bhăn. Khua lăn čar ăt bi mni kơ klei bi mguôp kjăp plah wah bruă kƀĭn ala Việt Nam lehanăn Russia ti dŭm anôk bi kƀĭn hŏng tač êngao lehanăn hlăm alŭ wăl./.

Y-Khem pô mblang