VOV4.Êđê- Tlam hruê 6/1, ti Adŭ bruă Khua lăn čar, Khua lăn čar Nguyễn Xuân Phúc jao leh klei bi mklă mđĭ grat mơ̆ng Trung tướng đĭ Thượng tướng kơ K’iăng khua phŭn bruă kahan ksiêm Trần Quốc Tỏ lehanăn Lương Tam Quang. Blŭ hrăm ti knăm anei, bi ala Đảng, Knŭk kna, h’êč hmưi kơ dua K’iăng khua phŭn bruă kahan ksiêm mâo mđĭ grat tal anei, Khua lăn čar Nguyễn Xuân Phúc lač snei, Trần Quốc Tỏ lehanăn Lương Tam Quang jing knuă druh mâo klei mĭn kjăp, knhuah hdĭp jăk, dưi mjuăt bi hriăm lehanăn mâo klei thâo, dưi mjuăt mgô, lông dlăng lehanăn đĭ hriê kơ prŏng mơ̆ng hdră mă bruă, kdơ̆ng mblah, mâo lu klei thâo hlăm hdră kiă kriê, gĭt gai dŭm êpul êya, alŭ wăl. Khua lăn čar Nguyễn Xuân Phúc đăo knang lehanăn čang hmăng dua čô K’iăng khua mbĭt hŏng êpul êya bruă Đảng anôk bruă kahan ksiêm gưl dlông, phung khua kiă kriê Phŭn bruă kahan ksiêm krơ̆ng kjăp knhuah hdĭp, knhuah mă bruă jăk, kpă mngač lehanăn mđĭ lar klei jăk siam pŏk rup kahan ksiêm yang ƀuôn “Kyua lăn čar wơr pô, kyua mnuih ƀuôn sang mă bruă” hlăm wưng mrâo./.

                                                    Pô mblang: H’Nêč Êñuôl