VOV4.Êđê - Aguah 22/11, ti Anôk bruă khua lăn čar, Khua lăn čar Nguyễn Xuân Phúc, Khua Êpul hgŭm lĭng kahan leh anăn răng mgang klei êđăp ênang, Khua dŭm êpul lĭng kahan yang ƀuôn, mđup brei Hdră mtrŭn mđĭ bruă êlâo kơ wưng kčah mơ̆ng Phó Đô đốc kahan êa jing Thượng tướng kơ Phạm Hoài Nam, Khua hlăm bruă Đảng gưl dlông, Khua hlăm bruă Đảng kahan gưl dlông, K’iăng  Khua phŭn bruă kahan ksiêm.

 Blŭ hră, jao bruă klam, Khua lăn čar Nguyễn Xuân Phúc bi mni, Thượng tướng Phạm Hoài Nam jing sa čô knuă druh mâo klei mĭn kjăp, knuah hdĭp jăk, dưi hriăm mjuăt klă klơ̆ng, klei thâo leh anăn klei ngă bruă jăk; dưi hriăm mjuăt, hriê kơ prŏng mơ̆ng anôk bruă nah gŭ, mâo lu klei thâo hlăm hdră gĭt gai, kriê dlăng dŭm anôk bruă. Mơ̆ng tur knơ̆ng bruă klam mâo Khua phŭn bruă lĭng kahan mbha, Khua lăn čar mtă kơ Thượng tướng Phạm Hoài Nam lŏ dơ̆ng gĭt gai mđĭ kyar bruă duh mkra êpul lĭng kahan grăp knhuang hluê hdră mrâo mrang, ngă djŏ klei čiăng yua phao ktuang, mprăp kdrăp mnơ̆ng kơ êpul lĭng kahan hlăm bruă tuh tia mkra mjing, bi mrâo mrang lăn čar. Lŏ dơ̆ng bi êdah ai tiê jhŏng mĭn, jhŏng ngă, jhŏng klam bruă, jhŏng mlih mrâo, jhŏng bi kdơ̆ng hŏng klei dleh dlan lông dlăng, jhŏng ngă bruă kyua klei tŭ dưn mbĭt.

H’Zawut pô mblang