VOV4.Êđê-  Tlam hruê 23/11, ti Anôk bruă Khua lăn čar, Khua lăn čar Nguyễn Xuân Phúc mđup brei leh Medai hnŭk êngiê mrô sa kơ Đặng Thị Ngọc Thịnh, Khua hđăp hlăm Anôk bruă Đảng gưl dlông, K’iăng khua lăn čar hđăp; mđup brei Medai hnŭk êngiê mrô dua kơ Đào Việt Trung, Khua hđăp hlăm Anôk bruă Đảng gưl dlông, Khua kiă kriê hđăp Adŭ bruă Khua lăn čar. Phung khua Adŭ bruă Khua lăn čar ăt hưn mthâo klei bi mklă truh thŭn mdei bruă mơ̆ng Phŭn bruă kđi čar hŏng Khua hlăm Anôk bruă Đảng gưl dlông tal XII: Đặng Thị Ngọc Thịnh lehanăn Đào Việt Trung. Bi ala phung khua kiă kriê Đảng, Knŭk kna, Khua lăn čar Nguyễn Xuân Phúc h’êč hmưi, bi mni lehanăn mpŭ kơ klei đru mguôp mơ̆ng Đặng Thị Ngọc Thịnh lehanăn Đào Việt Trung dưi bi leh jih, êdah kdlưn bruă klam mâo Đảng, Knŭk kna kčah jao./.

Pô mblang: H’Nêč Êñuôl