VOV4.Êđê - Tlam mbrue (21/12), hlăm klei nao čhưn kơ ala čar Campuchia, Khua lăn čar Nguyễn Xuân Phúc mâo leh klei bi blŭ hrăm hŏng khua nah dlông bruă kƀĭn ala Campuchia Say Chchum. Ti anôk bi blŭ hrăm, dua khua gĭt gai hơ̆k mơak ƀuh, êjai hlăm boh klei ruă tưp đĭ lar, klei hgŭm dua ala čar ăt ti hnơ̆ng đĭ kyar kjăp hlăm djăp mta.

Bi trông kơ bruă hgŭm ti anăp, dua nah bi tŭ mtrŭt dŭm bruă mkŏ mjing klei bhiăn dua ala čar lŏ dơ̆ng bi sa ai mjing klei bhiăn jăk hĭn, mđĭ bruă bi hgŭm klei duh mkra, mnia mblei, duh bi liê, mâo klei bi mguôp phung ƀuôn sang, boh nik hlăm phung hđeh gưl mrâo, bi hgŭm dŭm alŭ wăl, boh nik dŭm čar ktuê knông lăn mbĭt; bi mguôp mkŏ mjing jăk djăp bruă kkuh mơak “thŭn hgŭm mbĭt Việt Nam – Campuchia; Campuchia – Việt Nam 2022” lehanăn bi hdơr 55 thŭn mkŏ mjing klei mjĕ mgiăm plah wah dua ala čar (24/6/1967 – 24/6/2022)./.

Y - Khem pô mblang