VOV4.Êđê -  Tlam mbrue (27/12), Êpul bi ala bruă kƀĭn ala ƀuôn prŏng Hồ Chí Minh mă bruă hŏng knơ̆ng bruă sang čư̆ êa ƀuôn prŏng čiăng ksiêm dlăng bruă hlue ngă dŭm hdră êlan, hdră bhiăn kơ bruă čuăl mkă hlăm ƀuôn prŏng, Khua lăn čar Nguyễn Xuân Phúc nao ti anôk bi kƀin hŏng online. Blŭ hrăm ti anôk bi kƀĭn anăn, Khua lăn čar Nguyễn Xuân Phúc lač, hŏng dŭm ƀuôn prŏng msĕ si ƀuôn prŏng Hồ Chí Minh snăn bruă čuăl mkă brei nao êlâo hĭn, bi êdah klei dưi tă êlan kbưi hĭn, mjing knơ̆ng kơ bruă čuăl mkă, iêo mkrum ngăn prăk mơ̆ng knŭk kna lehanăn êngao knŭk kna, bi klă jih jang mta kñăm klă mngač. Khua lăn čar ăt bi êdah, ƀuôn prŏng Hồ Chí Minh hlăk toh hroh kbưi êdi mkă hŏng dŭm ƀuôn prŏng hlăm alŭ wăl kơ klei mđĭ kyar bruă duh mkra, ai dưi bi ktưn lehanăn kơ hnơ̆ng hdĭp. Bi kơ klei ba anăp, hlăm klei nao êlâo mơ̆ng ƀuôn prŏng hŏng kluôm ala hlăk hlê êmưt mơh. Khua lăn čar čang hmăng kơ ƀuôn prŏng bi păn kjăp jih jang mta kñăm, dŭm hdră êlan, klei găl čiăng bi leh bruă knuă, lehanăn čuăl mkă kơ hdră êlan mđĭ kyar kjăp lehanăn klă mngač./.

Y-Khem pô mblang