VOV4.Êđê - Hlăm klei nao čuă ala čar Campuchia, hruê mbruê 22/12, Khua lăn čar Nguyễn Xuân Phúc bi tuôm leh hŏng dŭm knơ̆ng bruă Việt Nam leh anăn knơ̆ng bruă Khmer phŭn mơ̆ng Việt Nam ti Campuchia. Leh hmư̆ klei blŭ mơ̆ng pô bi ala dŭm knơ̆ng bruă, Khua lăn čar Nguyễn Xuân Phúc hơ̆k mơak bruă duh bi liê mơ̆ng Việt Nam srăng jăk hĭn leh anăn gĭr ktưn hĭn mơ̆ng dŭm knơ̆ng bruă.

Khua lăn čar mñă klă, bruă klam mơ̆ng dŭm knơ̆ng bruă jing yuôm bhăn êdi leh anăn pah mni klei gĭr mơ̆ng dŭm knơ̆ng bruă Việt Nam hlăm hruê mmông êgao. Khua lăn čar ăt lŏ mñă klă srăng gĭt gai dŭm phŭn, dhar bruă mđĭ hĭn klei bi mguôp hŏng ala čar Campuchia čiăng đru kơ dŭm knơ̆ng bruă ruh mgaih klei dleh dlan. Hluê si khua lăn čar, êpul êya knơ̆ng bruă Việt Nam čiăng čŏng đru mguôp, mâo klei kčĕ, mkŏ mjing boh kdrŭt hlăm bruă mnia mblei, duh bi liê, bi lu jơr klei găl mđĭ boh tŭ dưn klei mjĕ giăm pal wah 2 ala čar, boh nik jing bruă duh mkra.

Y-Ƀel pô mblang