VOV4.Êđê - Êlâo anăn, Khua lăn čar Nguyễn Xuân Phúc bi tuôm leh hŏng Khua knŭk kna Campuchia Hun Sen. Hlăm klei bi kƀĭn, Dua khua gĭt gai bi tŭ ư kơ dŭm hdră hyuă kjăp klei bi hgŭm plah wah dua ala čar hlăm wưng kơ anăp, hluê anăn srăng kƀĭn pŏk ngă tŭ dưn dŭm klei kuôl kă mâo bi klă leh, mđĭ lar nanao dŭm gưl nao čhưn, bi tuôm gưl dlông leh anăn dŭm gưl, klei bhiăn bi hgŭm dua nah.

Dua tĭng ăt bi tŭ ư lŏ dơ̆ng mđĭ klei bi hgŭm hlăm dŭm bruă mtô bi hriăm, hdră bhiăn, lŏ hma- dliê kmrơ̆ng-kan hdang, ngăn dŏ leh anăn wăl hdĭp mda, mđĭ klei bi trông truh kơ klei bi tŭ yap kơ hră leh tlŏ mgang vaccin, Hră bi mklă tlŏ vaccin Covid-19. Khua lăn čar Nguyễn Xuân Phúc čang hmăng dua tĭng lŏ dơ̆ng bi hgŭm, mđĭ klei bhiăn ASEAN kơ êa ksĭ Ngŏ, msir mgaih dŭm klei bi mmiă hŏng hdră êđăp ênang, mơ̆ng tur knơ̆ng hdră bhiăn dlông rŏng lăn.

H’Zawut pô mblang